مين ليها غيرنا كلنا
لازم نصونها بدمنا
مين ليها غيرنا
وقت لما كلنا
نقول خلاص خلصت وتاهت مننا
========
مين اللي قال
إنها تاهت
دي جايه في الأفق
بلدي شايفها من بعيد
وردة تفتح في الصباح
لكنها وردة حبيسة في السجون
ناقص لها إطلاق سراح
==========
مين اللي حبسك يا بلد
ولدك و آه من العقوق
وكل يوم وقت الشروق
أجي وأناجي ربنا
إنه يرجع الحقوق
===========
لكن يا غالية مش هخيب
لو سابوا همّ مش هسيب
عمري ماهعمل زيهم
ولا عمري هابقى منهم
ولا لحظة أبقى زيهم
===========
همّ اللي باعوا
وأنا اللي شاري يا بلد
أنا الولد نعم الولد
والتاني مش ابنك بجد
مش كل واحد
يبقى ضنى ولا أي حد
يقول كلام يبقى صحيح
مش كل واحد قال بحبك
لازم صريح
لكني والله صريح
===========
حبك دا ساري في جتتي
ولا عمره مرة في يوم يموت
حبك دا هو جنتي
دا هو روحي ومهجتي
بلدي أمانة في ذمتي
أحفظها لو حتى هاموت
محاولة شعرية جيدة
ردحذفربنا يوفقك يامهندس يعنى هندسة وشعر خلتنا لنا ايه بس بصراحة الشعر حلو
ردحذفالبشير ::
ردحذفجزاكم الله خيرا
شرفني مرورك
أسير القدس جزاكم الله كل خير
ردحذفدا من ذوقك بس
جميله قوى
ردحذفانا لسه قرايها فى مدونه مش فاضى
واعجبت بيها
سلمت يداك
ربنا يسعد اوقاتك
سلمت الأنامل ورببنا يوفقك ويسعدك .. بارك الله فيك.
ردحذفاصحى يا نايم ووحد الدايم ..
(حملة الجسد الواحد)
أرجوا من المدونين الموقرين أن يضعوا شعار الحملة واسمها فقط فوقها (حملة الجسد الواحد) في الشريط الجانبي لمدوناتهم كدلالة على وحدة صف أمة محمد
لمزيد من المعلومات
http://dndanh111.blogspot.com/2010/06/blog-post_14.html
جعله الله في ميزان حسناتكم .. آمين
سلامو عليكو..
ردحذفكلمات تفاؤلية رائعة
وموفق فى اختيار الكلمات
لك تحياتى
كلمات معبرة..ومحاولة موفقة بإذن المولى
ردحذفmrmr
ردحذفجزاكم الله خيرا أسعدني تواجدك على مدونتي
أم الخلود
ردحذفجزاكم الله خيرا وبارك الله فيكي
(ست* جنى* الحسن)
ردحذفجزاكم الله كل خير أنا مش عارف أشكرك ازاي ؟؟
قطرة الندى
ردحذفجزاكم الله خيرا وأسعدني تواجدكم
نعمل ايه محنا بنمووووووووت فيكي يا مصر (لا بجد بسم الله مشاء الله انت موهوب
ردحذفمجنون كتابة :
ردحذفجزاكم الله خيرا دا من ذوقك